3321/2023-2024

LUNGLEI; the 12th January,2024: Vawiin chawhnu dar 1:00Pm khan Lunglei DC charge la mektu Pu Donny Lalruatsanga kaihruaina hnuaiah Lunglei District Sports Committee(LDSC) member ten meeting an nei.

Vawiin meeting-ah hian kumin Republic Day lawmna puala, Tournament huaihawttu tur Sports discipline thlanna neih a ni a.Lungruala takin Volley Ball Association te thlan an ni. Volley Ball Association te hian an Tournament huaihawt dan tur leh thil tul dangte chu District Sports Committee puipa te nen an la rel ho leh dawn a ni.

Vawiin meeting-ah vek hian Sports Promotional Fund (for 2022-2023) 1st installment semchhuah dan tur rel ho a ni bawk.Promotional Fund (for 2022-2023) hi 1st installment  Rs.2,22,428/- dawn tawh a ni a, 2nd installment hi 1st installment utilization certificate te thawn fel a nih hnuah dawn leh beisei a ni.