No.5128/2020-2021

Date 16.09.2020 : Vawiin khan Lunglei Horticulture Department leh ATMA Lunglei tangkawp buatsaihin ‘Training on Dragon fruit cultivation and distribution of assistance for beneficiaries under MIDH’ chu Horticulture Conference Hall-ah neih a ni. Lunglei HPC Vice Chairman Pu Lawmawma Tochhawng chuan khuallian niin a hmanpui.

He hunah hian Lunglei District huamchhung khaw hrang hrang atangin dragon fruit ching mek leh ching tan tur kuthnathawktu thlan chhuahte an tel a ni. 

Vawiin program Dr V. Zodinsanga, Project Director ATMA kaihhruaiah Lunglei HPC Vice Chairman Pu Lawmawma Tochhawng chuan kuthnathawktute hmakhua ngaia an tan training buatsaiha sawrkar laipui scheme-te ngaihven sak thin tu Horticulture Department leh ATMA te thawhrimna leh inpekna avangin an chungah lawmthu a sawi a. Dragon fruit chin kawngah Lunglei District chu Mizorama hma hruaitu leh thar chhuak hnem te zinga mi kan ni thei chu Department leh kuthnathawktute thawhrimna rah a ni tiin hmasawnna kan neih zel theihnan theihtawp kan chhuah zel a tul a, thlan tui luang zawih zawih khawpa hnathawh kan inhuam a ngai a ni, a ti a. Tanpuina sumfai leh hmanrua an dawn te chu anih tur ang taka hmang tura fuihin kuthnathawktute chu duhsakna a hlan a ni.

Vawiin program-ah hian Lunglei DHO Pu L.Lalhmingmawia Pachuau chuan powerpoint presentation hmangin Lunglei District-a dragon fruit chin dan leh hmalak dan tlangpui a sawi fiah a. Dragon fruit hi Lunglei District-ah kum 2013 atang khan chin tan a ni a, tharchhuah pawh kum tinin a pung chho mek zel a. Nikum 2019 kan quintal 147.35 thar chhuah niin hei hi Rs. 36,83,750 man hu a chhut niin, kumin hian quintal 140.70 tharchhuah tawh niin kuthnathawktuten an tharchhuah belh mek zel a ni.

Beneficiary te hian dragon fruit (zung neisa) 600, leitha, kut kawr, tui pekna leh hmanraw dang bakah sum fai cheng 60,000 theuh an dawng a ni.

Vawiin program hi nileng awh niin chawhnu lamah training program leh sawihona hun hman a ni.