No.5129/2020-2021

Mamit 16th Sept, 2020 : Vawiin khan DC Conference Hall Mamit-ah Dr. Lalrozama , IAS, District Bawrhsap / Chairman District Level Committee on Skill Development & Vocational Training hovin Jail tangte thiam thil zirtirna kawng hrang hrang ngaihtuaha thutkhawm a ni.

Meeting kaihruaitu Dr. Lalrozama, IAS chuan Mizoram Prison Manual, 2017 para 15.04 zulzui a duan Jail tangte tana thiam thil, Jail atanga an chhuah hnuah pawh an chhawr tangkai chhunzawm theih tur zirtir an nih theihna atana Department hrang hrang hmalakna chu lawmawm a tih thu a sawi a. Jail tangte'n nunkawng dik an zawh theih nana hmanraw pawimawh tak anih theih a beisei thu a sawi. Jail tangte'n thiamna an neih mai bakah a theih chin chinah anmahni tharchhuah ngeia intodelh a, ei an lo hmuh ve theih nan thahnemngai taka kalpui turin Jail enkawltute pawh a chah nghal bawk a ni.

Meeting- ah hian Sub Divisional Horticulture Officer, Mamit Sub-Division buatsaih Training Programme hrang hrang thlirho a ni a, Pa khawi dan tur zirtirna leh Off Season pawha Tomato, Zikhlum, Hmarcha, Changkha, Bawrhsaibe te chindan zirtir nise tih a ni. A tul dan anga lo bawhzui turin Horticulture Department leh Jail Superintendent te mawhphurhna pek nghal an ni. Heng bakah hian KVI Mamit District chuan Khuai khawi dan zirtir nise tih a nih bakah sahbawn tui siam leh Mombati siam dan zirtirna kalpui nise tih a ni bawk. Heng Training kalpui anih hun tur hi KVIB a Demonstrator te leh Jail hotute nen a inberawnin Training Schedule siam nise tih a ni. Hnang deh thiam Jail tang lai mekah an awm leh awmloh Jail Superintendent- in lo zawng chhuak se, an awm chuan Jail tang ve midangte lo zirtir ve leh chhawng tura ruahmanna siam a ni.

Meeting- ah hian DAO, DVO, DC&IO, HEO, DVIO, KVI Board aiawh bakah Jail Superintendent te an tel a ni.