2355/2023-2024

LUNGLEI; the 18th October,2023: Vawiin chawhma dar 11:00AM khan DC Conference Hall-ah District Election Officer Pi Ramdinliani kaihruaina hnuaiah 1st EVM Randomization neih a ni.Pi Ramdinliani chuan Election Commission of India hian EVM chungchangah hian a fimkhur em em a, a fair tur chauh a ni lova, a lang fair bawk tur a ni, tih hi a thupui a ni tiin, vawiin 1st Randomization-ah hian computer in Balloting Unit(BU),Controlling Unit(CU) leh VVPAT inkawp tur te thliar fel vek bakah,an hmanna tur Constituency te pawh thliar fel nghal vek dawn a ni. Tichuan 2nd Randomization neih hunah Polling Station wise a EVM hman tur a thliar hrang leh dawn a ni.Mihringin kan lo thawh ve chu Computer in BU,CU leh VVPAT inkawp tur a thliar fel vek tawh lo remfel chauh kha a ni mai. He computer in BU,CU leh VVPAT inkawp tur a thliar fel leh Constituency wise a hman tur a thlan chhuah print out hi Political Party aiawh Lokal te hnenah kan pe vek dawn che u a ni, a ti.

Tunah hian Lunglei District-ah Balloting Unit-256,Controlling Unit-250 leh VVPAT---275 a awm a.He tang hian Lunglei District chhunga Polling Station 176 a hman tur 176+ Reserve 20% (of PS), BU leh CU bakah 30% ( of PS) VVPAT te an hmang dawn a ni.

He 1st EVM Randomization programme hi  Poltical Party  aiawh ten telpuiin an hriatpui(witness) thlap a, Strong Room atanga EVM te thliar fel tura an lakchhuah lai pawhin an telpui thlap a ni.