1937/2022-2023

Lunglei the 15th September' 2022:  Vawiin khan  Public Health Engineering Department, Rural Watsan Division, Lunglei District buatsaihin PHED Conference Hall, Lunglei ah Faina Beihpui Swachhata Hi Seva (SHS) 2022, 15th September - 2nd October 2022 chhung awhtur hawnna hun hman a ni. He faina beihpui hi Pu Kulothungan A, IAS Deputy Commissioner, Lunglei chu khuallian niin a hawng. He hun ah hian Pu Donny Lalruatsanga, Addl.DC, Pu M. Misael, Project Director, DRDA bakah PHED hotute leh thawktu te an tel a ni.

Swachhata Hi Seva hawnna hun hi Er. Vanlalchhuanawma, SDO, PHED, Rural Watsan Sub-Division South, Lunglei chuan kaihruaiin  khuallian Pu Kulothungan A chuan India ram fai turin kumtin faina beihpui hi  ram pumah hman thin a ni a, Lunglei District ah pawh PHED hmalakna in faina beihpui thlak a ni chu hmasawnna tha tak a nih thu a sawi a, faina hian hriselna a keng tel a, chuvangin  kan in leh a vel te vawng fai a mitin ten mahni ah, chhungkua ah, veng chhung ah te faina hi ngaipawimawh a nunpui  theuh turin a chah a ni. He faina beihpui chhung hian mipui a tam thei ang berin faina kawngah hmalakna nei turin a duh a, PHED hmalakna in thingtlangah faina kawnga  thil chhinchhiah tlak thawk theuh turin a chah bawk a ni.

He faina beihpui chhung hian thingtlang hmun hrang hrangah faina chungchang inzirtirna te, tuikhur tihfai te, thingphun te leh tuihna humhalh kawngah hmalak  tum a ni.