1938/2022-2023
Aizawl 15th September 2022: Ministry of Housing & Urban Affairs buatsaihin a hmasa ber turin India ram khawpuite inelna atan Indian Swachhata League (ISL) Youth Rally chu September ni 17, 2022 ah buatsaih a ni dawn ta. He Youth-led inter city competition ah hian India ram khawpui 1800 chuang an inel dawn a, ni 14 September, 2022 thlengin mi 50,000 (singnga) chuang hemi nia thawkchhuak tur hian an in ziak lut tawh a ni.

He Youth Rally Inelna ah hian Mizoram atangin Team 10 an tel dawn a. Aizawl bakah Kolasib tih loh District Headquarters dang 9 (pakua) te he inelnaah hian an tel ve ang. Mizoram atanga Team chhuak tur te:-

1. Aizawl Clean Avengers
2. Saitual Green Warriors
3. Serchhip Titans
4. Clean & Green Hnahthial
5. Khawzawl Warriors
6. Lunglei Legion
7. Champhai Nature Conservancy
8. Lawngtlai Warriors
9. Mamit Vanguard
10 Siaha Warriors

Team tinah hian thalaite zinga huhang ngah tak tak leh thalaite kaihruai thei tur mi larte thlanchhuah an ni a. Anni hian Youth Rally hi an kaihruai dawn a ni. Tunah hian khawpui hrang hranga zirna in hrang hrangah te pre-event campaign neiin, he youth rally a thawk chhuah tur hian Mizo thalai tarn tak in ziak lut tawhin, an la in ziak lut mek zel a ni. He inelna hi endikan tehfung 3- Thalai thawkchhuak tarn (scale of participation), hmalakna danglam (innovativeness & Uniqueness) leh nghawng tha a neih dan (impact of the activity) ah endik an ni ang a. Team ti thate chu khawpui aiawhin National Programme Delhi-ah an hmalak dan tha te sawi khawpui dangte hmaa sawi tura sawm an ni ang.

Aizawl-ah chuan Youth Rally flag-off hi Mahatma Gandhi lim bul, Zodin Square-ah ni 17 September zing dar 7:00 ah neih tura ruahmanna siam a ni a. He hunah hian Deputy Chief Minister Pu Tawnluia, MLA te, AMC Mayor leh Councillors te tel tura beisei an ni a. Deputy Chief Minister Pu Tawnluia hian Youth Rally a thawkchhuak tur thalaite hi a vai liam dawn a ni.

He Flag-off Programme hi Zero Waste Event leh Single Use Plastic Free Event a nih dawn avangin a kal tur apiangte hi mahni ei tur tiffin leh tui inna tur mahni bottle theuh pai tura hriattir an ni. He Youth Rally a tel ve duh tan a hnuaia link hmangin emaw QR code emaw hmang hian in register theih a ni.

Link- https://innovateindia.mygov.in/swachhyouthrallv/