Vawiin zing khan District Urban Development Officer (DUDO) Lunglei, Office kawtzawlah Faina Hapta 2017 hawnna neih a ni. Pi Lalzarmawii, IAS, Deputy Commissioner, Lunglei leh Chairman Lunglei District Sanitation Task Force nibawk chuan khuallian niin he Faina Hapta 2017 hi a hawng.

Faina hapta hawnna inkhawm hi Pu Andrew Lalhruaia, DUDO in a kaihhruaina hnuai-ah Pi Lalzarmawii chuan khawpui fai inelna kawngah kan khawtlang theuh ah faina kan thinlunga intuh hi a pawimawh hle a, faina kawngah VC, YMA, khohhran hrang hrang, Clean Lunglei leh mipui te inpekna avangin lawm awm a tih thu a sawi a. Lawmman la tur ringawta fai kan tum tur a ni lova, kumtluana kan fai a pawimawh a ni tiin Pi Lalzarmawii chuan mitin ten kan rilruah faina kan tuh a ngai a, faina hi hriselna nen a inzawm tlat a nih avangin mimal tin ten faina kawngah kan rilru kan siam thar a ngai a ni, a ti. 

Pu H. Lalmuankima Sanitation Officer, DUDO in report pein Mizoram khawpui fai inelna ah Dist. Sanitation Task Force Lunglei Deputy Commissioner Chairman na hnuaiah din a ni a Mizoram khawpuiah faiber nih tumin nasa takin VC, YMA leh mipuite thawhrimna avangin Lunglei a fai hle a, vengtin ten faina kawngah hma an lanasa hle a ni. Khawpui fai endikna ah hian Lunglei khawpui chhunga micheng 60000(Sing ruk) ah 29000(Sing hnih Sangkua) Tha thawh a ni. Faina hapta chhung hian School, Office Veng bakah Sanitation Slogan SMS hmanga inelna neih ani dawn a, faina hapta kharna ni 9. 10. 2017 ah convention centre ah neih ani anga Collage pathum(3) a tangin Extempore speech inelna neih a ni ang ati.

 Pu H. Lalrotluanga Vice President Sub-Hqrs. YMA Lunglei pawhin thusawiin kan thunlungah faina kan ngaihpawimawh loh chuan Lunglei hi a fai ngai loang, thinlungah bawlhhlawh ngaih theihlohna nei ila mimal angin faina hi I ngaipawimawh theuh a ng u a ti. Kan ei leh in atanga bawlhhlawh siamtu nilovin tifaitu ni theuh turin aduh thu a sawi bawk. Faina kawngah YMA in tihtur kan neih chuan theihtawp na chhuah tur thu a sawi bawk. 

Faina hapta hawnna ah hian Sawrkar official, YMA, MJA, Clean Lunglei leh College zirlaite an tel a DUDO Office a tangin DC Banglow peng thleng faina kawng zawh a ni.

Attachment

  • Loading attachment...