Kum tina hman thin angin India Hnampa Mahatma Gandhi piancham October ni 2 denchhenin October thla chawlhkar khatna hi ‘Faina Hapta Cleanliness Week’ atan hman leh tur a ni a. Faina Hapta hawnna hi October ni 2, 2013 zingkarah neih a ni ang.

Hemi Ni hian office leh school kai zawng zawng ten an office leh school tihfai hnatlang neih vek tura beisei a ni a, veng hrang hrangah pawh mahni in bul vel leh khawlai tifai hnatlang neih tur a ni. Town Level Cleanliness Week Committee ten veng, office leh school hrang hrang te endikin, school fai leh veng fai lawmman pek tur an thlang dawn a ni. Cleanliness Week hi October ni 9, 2013 khian a kharna inkhawm neih a ni ang, hetah hian School leh Veng fai lawmman sem a ni ang.

Cleanliness Week 2013 hi October ni 2-8 chhungin heng khuaah te hman vek tura beisei a ni : Lunglei, Champhai, Kolasib, Serchhip, Mamit, Saiha, Lawngtlai, Saitual, Khawzawl, Hnahthial, Vairengte, Tlabung, N.Kawnpui, N.Vanlaiphai leh Thenzawl.