Lunglei District-ah hian Urban Area (Census Town) 3 a awm a, chungte chu Lunglei, Hnahthial leh Tlabung te a ni a. Heng bakah hian Town Planning hnuaiah Lawngtlai leh Saiha District te a enkawl tel bawk a.
Heng khawpuiah te hian ‘The Mizoram Urban & Regional Development Act, 1990’ leh ‘MURD Rules 1998’-in thuneihna a pek angin Lunglei District bikah hian Town 2 - Lunglei leh Hnahthial - tan Master Plan siam a ni tawh a, sorkar pawhin a pawmpui tawh a ni. Lawngtlai Town Master Plan 35% zawh tawh a ni a, Tlabung Town Draft Master Plan erawh sorkar pawmpuina a nghak mek a ni.
The Mizoram Sanitation Rules, 1980-in thuneihna a pek angin Sanitation Officer chuan Lunglei khawpui chhunga bawlhlawh thenfai hna a thawk mek a. Zingtin Sweeper 45 ten khawlai an phiat fai thin a, Department truck 5 hmangin V/C area 15-ah bawlhlawh an khawn thin a ni. Lunglei-ah hian bawlhlawh paihna hmun Oxidation Pond leh Dumping Ground te neih a ni a, heng bakah Riangvaite Thlanmual enkawl a ni bawk a, mi 40 chuang phum an ni tawha hriat a ni. Lunglei High Powered Committee tanpuina-in Dumping Ground thar tur siam tum a ni a, hetah hian tunlai thiamna hmanga bawlhlawh sawngbawlna hmun ‘Scientific Waste Management Centre’ din tum a ni bawk.India rampumah khawpuia mirethei (slum dweller), mahnia in leh lo nei zo loten mahni puala chenna tur an neih theihna tur leh khawsakna tur atan mamawh hrang hrang - tui thianghlim in tur, inthiarna, vengchhung kalpawhna, tuichhia paihna, etc - ruahman sakna tura duan ‘Rajiv Awas Yojana’ (RAY) pawh kalpui mek a ni a.
Hemi hnuaiah hian Lunglei Town-ah mirethei zualte chenna bik ‘Slum Pocket’ 43 tlanchhuah tawh a ni a, heng hmunte tihhmasawn dan ngaihtuah mek a ni.The Mizoram Town (Sanitation) Rules, 1980-in thuneihna a pek angin Lunglei District huamchhunga Urban Area leh Sanitation Licence chi hrang hrang - hotel, tea stall, factory/workshop, hawker, hoarding, etc hnenah pek chhuah thin a ni a. Heng Licence atang hian chhiah hmuin kuminah August thlengin Rs.66,880 hmuh tawh ni nghe nghe.Integrated Housing & Slum Development Programme (IHSDP) hnuaiah hian mirethei chhungkua 500 tan chenna tur in sak leh hmasawnna kaihhnawih thildangte siamna turin sorkar laipui tanpuina sum Rs.827.27 lakhs hmangin thawh mek a ni a, tunah hian chhungkua 361-in an luah tawh a ni. Community Centre/Hall pawh he Scheme hnuaiah 3 sak a ni.Sorkar laipuiin khawpuia mirethei dawmkanna leh chhawmdawlna tura ruahmanna SJRY chu chak taka kalpui mek a ni bawk a.
Tun dinhmunah Lunglei-ah BPL chhungkua 3143 awmin BPL member 13412 an awm mek a. He project hnuaiah hian BPL-te anmahni kea an din theih nan training chi hrang hrang pek te, BPL Loan pek te, inhlawhna siamsak te leh Nu ho inzawmkhawm (Self Help Group) tanpui hna te thawh mek a ni.Hmarchhak State te tana sorkar laipuiin 10% Lumpsum Grant a dah thin atangin Lunglei-ah Convention Centre sak mek a ni bawk.
