Vawiin khan National Project on Cattle & Buffalo Breeding (NPCBB) hnuaia State Implementation Unit SIU leh AH & Vety Department te chuan Bawng hur theilo leh no chhiatna chhan hrang hrang enkawl dan AH & Vety Complex, Lunglei-ah zirtirna pein 'Fertility Camp' neih a ni.

He 'Fertility Camp'-ah hian Dr.B.Lallawmsanga Veterinary Officer, Durtlang chuan zirtirna pein Dr.Lalrinawma SVO (AI)-in fertility Camp hi a kaihruai a ni. Joint Director Southern Zone in ran vulh dan leh hrisel zawka enkawl dan training-na pawimawhzia sawiin mahni ran vulhte chik taka enkawl a, an awm dan hriatsak a pawimawhna te a sawi bawk a. DVO Lunglei Dr.Vanlalbuanga chuan Lunglei District chhunga bawng vulhtute tana hamthatna kalpui mek chungchang training-a kal farmer-te a hrilh bawk a ni.