Lunglei-a MP Election 2014 vote chhiarna hmun tur Saikuti Hall buatsaihna kal chho mek chu vawiin khan Lunglei DC leh AERO ni bawk Pu Ashish Madhaorao More, IAS leh Election Observer Pu K.Hemaji Naik, IAS ten an tlawh.

AERO leh Observer te chuan Counting Hall, Observer Room leh Media Center te a hmunah an en a, vote chhiarna tura inbuatsaihna leh ruahmanna te chu tha an tih thu an sawi. Lunglei-a vote chhiarna hmun turah hian Counting Hall 3 siam a ni a, Hall pakhatah dawhkan 14 zel dah niin Constituency 7 atanga vote tlate hi naktuk zing dar 8:00 atangin chhiar tan a ni dawn a ni.