Vawiin khan Pu Benjamin Lalzama, Addl. Dc, Lunglei hovin amah Office Chamber ah Lunglei District Fire Prevention Committee chu thukhawm in Mizoram pum a February ni 12 - 17, 2018 Fire Prevention Week hman tan tur chu Lunglei District chhung ah kalpui dantur an rel.

Pu Banjamin Lalzama chuan Meeting hawnna ah thu hma sawi in Mizoram District 8 zing a ti tha ber ni tur a tan lak nise Sawrkar bak ah NGO hrang hrang, Zirna in leh khawtlang mipui tangrual in kangmei chhuak lo turin kan beih a ngai a ni a ti. District Fire Prevention Committee chuan February ni 12 ah Convention Centre, Lunglei ah Fire Prevention Week hawnna hman nise tih an rel a, hemi kawnga hmalakna a tan door to door in mipui hnenah pamphlet sem nise tih a ni bawk. Kangmei laka inven dan chungchang a ziak tha chanchinbu pathum(3) te chu thlang chhuak in lawmman siamsak nise ti a rel a ni bawk. PHE Department chu kangmei chhuah thut ah heng hmun panga(5) Lunglawn, Chanmari, Kikawn, Serkawn leh Zotlang ah an tuizem (Tanky) te chu tul thut a hman thei tura vil nise, Fire Prevention chungchang hmalakna ah Sub HQRS YMA leh VC Association nen thawh ho ngei nise tih a ni bawk. Fire Prevention Week pual in Local Cable TV leh AIR ah te Lunglei DC thuchah tihchhuah nise ti a rel a ni.Education Department hotu te leh Kohhran hrang hrang hruaitute hnen ah anmahni huam chhung ah kangmei lak a inven dan Awareness Campaign nei tur a ngen nise tih a ni bawk. 

Kumin ah hian Mizoram Sawrkar chuan kangmei chhuak tur lak a invenna nasa lehzual a kalpui a tum a, kum dang ang bawkin lo hal tur te chu Khaw tin Village Council te kaltlang in March ni 15, 2018 hma in hal tura hrilh an ni vek anga, kangmei lak a invenna zawm tha khua te chu thlan chhuah ni in lawmman 1st Prize cheng sing nga, 2nd Prize cheng sing thum leh 3rd Prize cheng sing hnih pek an ni ang. Mizoram Sawrkar chuan kumin thupui atan "Ram ti kang lo turin mitin fimkhur ang u" tih hmang in hmun hrang hrang ah banner tar tura rel a ni bawk.

Dr. C.Vidhyasagar IFS,  DFO, Secretary Lunglei District Fire Prevention Committee ni bawk chuan kum 2017 hmalakna thenkhat tarlang in kum 2017 chhung in Lo hal 226 a awmin ram 1514Ha a kang a, chuan kangmei chhuak vawi 8 a awm a 65.005 Ha a kang bawk a ni. Mizoram pum District Level Fire Prevention ah Lunglei chu pahnihna a ni. Village Level a kangmei ven na a ti tha khua te chu 1. Zobawk 2.Mausen leh 3.Upper Lungrang 'S' te an ni.