3586/2022-2023

Lunglei the 14th February' 2023:  Vawiin chawhnu khan Lunglei Bawrhsap Pi Ramdinliani, IAS kaihhruaina in DCs Conference Hall, Lunglei ah United Nations Food and Agriculture Organisation (FAO) hnuaia Green-AG: Green Landscape Implementation Unit (GLIU) hmalakna leh hmachhawp hrang hrang ngaihtuah ho turin 5th Tecnical Support Group  meeting neih a ni. He Project hi Lunglei leh Mamit District ah te kalpui mek niin hmalak zel dan tur ngaihtuah hona neih a ni. Meeting ah hian Agriculture official te, Line Department, NABARD leh KVK te an tel a ni.

Meeting kaihruaitu Pi Ramdinliani chuan Green Landscape Management Unit chu hmasawnna huap zau leh daih rei tak kan neih theihna tura duan anih thu sawiin he project kaltlang hian Line Department hmalakna te chu ramngaw leh nungcha humhalh chunga kalpui anih tur thu a sawi a ni.

Pu Malsawmkima, District Agriculture Officer, Lunglei leh Member Secretary   nibawk chuan report pein Green AG project hmalakna te sawiin kum 2022-2023 chhung hian survey, workshop leh training te neih niin Mamit leh Lunglei District  chhunga hmalakna hmasa atana chhawpchhuah High Priority Areas khaw 17 te tarlangin  Mamit District ah khaw 13 leh Lunglei District ah khaw 4 te a tuam ang.

Dr. Keny Vanlalhriatpuia, State Technical Coordinator, Green AG. Project Mizoram chaun Green Ag in a tum ber chu India rama Agriculture kalphung her rem a, lo neitute tan a hlawk zawk leh tha zawk a kalpui a ni. Green Ag hnuaia hmalakna tura Buh, hmarcha, tomato, vaimim, vawk leh ar vulh bakah changpat hmang leitha siam leh zir chian a, kuthnathawktute mamawh hrang hrang ngaihtuah pui bakah State pawn thlenga mumal zawka hralh chhuah dan ruahmanna siam a nih tur thu a sawi. Village Implementation Committee (VIC) te pawh din fel a nih tawh thu a sawi bawk. Green AG funding agency chu Global Enviroment Facility (GEF) niin implementing Agency chu UNO leh FAO a ni a. Sorkar laipuiah Ministry of Agriculture & Farmers Welfare leh Ministry of Enviroment, Forest & Climate Change te hnuaiah  niin Mizoram sawrkar hnuaia State Nodal Agency chu Department of Agriculture a ni.

Vawiin meeting ah hian Green Landscape Management Plan 2023, Draft Annual Workplan & Budget 2023-2024 leh Action Plan February - June 2023 te chu sawihona neih a nih hnuin meeting chuan a pawmpui a ni.