Vawiin chawhma dar 11:30 khan Lunglei Art & Culture Auditorium ah November, 28 atanga November 30 thleng awhtur Handloom & Handicrafts Exhibition chu Pu Joseph Lalhimpuia, Vice Chairman HPC in a hawng. He Exhibithion hi ZOHANDCO in NEC atanga sum an dawn hmanga huaihawt a ni.

Vice Chairman, HPC chuan puantahtu te hlawhtlinna tur chu taimakna leh tumruhna tho a nih thu a sawi a. Mizo kutchhuak puan mawi tak te hi Mizo zemawi langchhuak leh hnamdang zinga min ti Mizo tu a ni a. He hnamro thil hlu tih hmasawnna kawngah puantah tu ten hnam rawngbawlna pawimawh tak an neih thu a sawi a. Mizo mipui te pawh in kan hnam thil hi kan hlut in kan chawisang zel tur a ni a ti.

Exhibition hawnna Programme Pu H. Lalmalsawma, Managing Director, ZOHANDCO kaihhruaiah hian Pu Albert Lalthlamuana, Chairman, ZOHNADCO pawh in an hmalakna kawng hrang hrang te a sawi a, he Exhibition ah hian puan, kawrchei leh ipte chei te bakah mizo thawmhnaw chi hrang hrang te dawr 21 ah phochhuah a ni a. Dawr hawngtu te zing a 15 hi Aizawl atangin an ni a, Thenzawl khua atangin dawr 5 leh Lunglei khua atangin 1 hawn an ni ve bawk a ni.