All India Radio (AIR) Lunglei Station chuan an kum 17 tlinna champha denchhen a zaithiam zawnna “Leltheng 2012” an buathsaih kharna hun nizan 7:00 PM khan Saikuti Hall Lunglei ah an hmang a. He hunah hian Pu Joseph Lalhimpuia Vice Chairman HPC Lunglei chuan khuallian niin a hmanpui a. Lawngtlai tlangval T. Lalrinfela chu zaithiam ber ah thlan a ni.

Vice Chairman chuan AIR Lunglei ten kum 17 chhung ram leh hnam tan hna an thawk tawh a. Ram leh hnam inpumkhatna a tana hna tha thawk zel turin duhsakna a hlan a ni. Khuallian hian zaithiam te chu nun tihlimtu leh mi chunga leng te an nih thu a sawi a. Zaithiam te hlawhtlinna leh hmasawnna chu zuk leh hmuam laka fihlim leh ruihtheihthil dang laka insum theihna ah te a innghat a. Taimakna leh nun ulukna tello chuan zaithiam tam tak te pawh an hlawh chham leh mai thin a ni a ti. Mizo tawng dik tak humhim leh pholang turin zaithiam ten mawhphurhna pawimawh tak an neih thu a sawi bawk.

Lelthang 2012 intihsiakna titha zual 3 te hi lawmman Rs. 50,000, Rs. 30,000 leh Rs. 10,000 leh chawimawina thuziak te an tih that dan indawta pek an ni.