Vawiin khan Tourist Lodge, Zotlang-ah ni hnih awh tur 'Seminar of Horticulture Officers' chu tan a ni a, Pu Lalliankma Jt. Director in inkhawm kaihruaiin Horticulture Minister Pu P.C. Lalthanliana chu Khuallian a ni.

Khuallian Pu PC Lalthanliana chuan Mizoram hian hmasawnna turah hian Horticulture Department-in thui takin mawh a phurh thu sawiin Department hmalakna turah hian deaprtment building nei that leh that loh ai chuan loneitute hnathawh ropuina a langsar zawk tur a ni, a ti. Horticulture hnuaiah hian season neia thlai phun thin a nih avangin thlai tiak thalo supplier atanga lak ai chuan Department-in nursery a siam leh sem chu a fuh zawk a rin thu a sawi a. Horticulture Department hnathawktute chu office hunchhung chauh ni lvoin darkar 24 chhunga loneitute tana thawk turin in peih a ngai a ni, a ti. Mizoram sum leh pai dinhmun siamtha tur chuan Horicultur Department-in tanlak a ngai dawn a, ram leilung mila thlai chin te bakah kan nitin mamawh ang chi alu, purun leh dal chin nan kawng hawn a that thu a sawi a. Deptt.Sorkar atanga tanpuina dawng beneficiary-ten an tihthat duh lo chu department hlawh chhamna a siam fo thin a, sum tam tak sengin a tak ram kan thleng lovang tih hi a hlauh awm avangin department-in hmalakna a neih ang angah hian khaw tina VC-te hrilhhriata thawhho a fuh fo a rin thu a sawi bawk. Loneitute tan ruahtui dahkhawlna tur tuizem tha siam sak zel a nih tur thu leh Lunglei DHO Office chungah Conference Hall leh Circle Office sak a ni ang, a ti.

Horticulture Director Pu Zotawna chuan District office hnathawkte office hun taka an kai chu ngaih pawimawh turin a hrilh a, hmasawn tur chuan a hun takah eng hna pawh ti thei turin an inpeih reng a tul a ni, a ti. Officers leh Field staff te pawh mahni tih tur theuhte rinawm taka ti a, farmer-te tan theihtawp chhuah turin a fuih bawk a ni.

Horticulture Seminar-ah hian Pu Vanlalruata Chenkawl, Dy. Director of Horticuluture(V); Pi M.Vanlalzami, HDO(F)leh Nl.V.Lalremruati Hnamte, HEO Lawngtlai te chuan heng thupui - 'Role of RKVY & VIUC in Vegetables Production Marketng', 'Guidelines of MIDH' leh 'Importance of Vegetables for Nutrition' hmangin zirtirna an pe a ni.