Vawiin zing dar 10:00 khan Lunglei Circuit House Conference Hall-ah Training of trainees on Human Rights, Administrative Training Institute, Aizawl buatsaih chu Pu T.Lalduhawma, Addl. DC chuan a hawng.
Thu sawiin Pu Duhawma chuan Human Rights chu mihringte dikna, chanvo leh an hlutna vawnhim a ni a, mihring piantirh atanga thihni thlengin dikna kan nei a, kan dikna chu kan humhim tur a ni, a ti. A sawi zelna ah Mizote hian dan leh hrai hi kan hre lo em em a, chuvangin dan kan hriat hi a tul hle a ni, a bik takin naupan lai atanga human rights zirtir hian ramin a hlawkpui ngei ka ring a ni, a ti.
He training-ah hian NGOs, Police, Excise leh zirtirtute an tel a. Pu H.Lalramliana, Asst. Director, Aizawl leh Dr. Laltlanmawia, Sr. Lecturer, Govt. College, Kolasib ten training an pe a ni. Inkhawm hi Pu K.Laldingliana, SDO (S) in a kaihruai a ni.
He training-ah hian NGOs, Police, Excise leh zirtirtute an tel a. Pu H.Lalramliana, Asst. Director, Aizawl leh Dr. Laltlanmawia, Sr. Lecturer, Govt. College, Kolasib ten training an pe a ni. Inkhawm hi Pu K.Laldingliana, SDO (S) in a kaihruai a ni.
