Vawiin chawhma dar 11:00 khan DC Conference Hall-ah Lunglei District Additional DC Pu John Tanpuia, MCS kaihhruaiin kumin August ni 15-a Independence Day vawi 71-na Lungleia lawm dan tur rel turin Independence Day Celebration Committee an thukhawm a ni. Lungleia Sawrkar Pisa hrang hrang hotute, zirna in, tlawmngai pawl leh khawtlang hruaitu hrang hrang aiawhte an tel a ni.

Meeting chuan kumin Independence Day lawmna inkhawm hi August ni 15, zing dar 9:00-ah Thuamluaia Mualah hman nise a ti a.  Khuallian chu sawrkar ruat tur a nih avangin sawrkar ruahmanna ngaihchan tha a ti a. Kum danga tih thin ang bawkin Independence Day Parade neih leh tur niin, parade contingent– Armed, Unarmed, School leh Band Party hrang hrang atanga nei leh in, endiktu tur ruat a, a titha te hnenah lawmman sem leh nise a ti. 

Independence Day lawm tura thil pawimawh chi hrang hrang – field chei dan tur, traffic leh security, seating arrangement, parade contingent te hman tur lirthei, electric power supply, tui thianghlim in tur, pangpar khawi, first-aid leh tul dangte ruahmanna siamin, mawhphurhna Department leh tlawmngai pawl hrang hrang te hnenah sem rual a ni.  Independence Day ni ah hian Lunglei khawpui huam chhunga Charity Home, Orphanage leh Institution hrang hrang thlan chhuah bikah te Independence Day lawmna thilpek sem a ni bawk ang. Independence Day ah hian chhun dar 12:00 ah D.C Bungalow kawtzawlah ‘VIP’s at Home’ neih tura ruahman a ni bawk.

Independence Day ah hian India hnam puanzar (National Flag) chu Department tin ten an pisa ah zing ni chhuah rual a tar vek tur niin ni tlak hma a seng leh vek tur a ni a. Sawrkar hnathawkte chu he ni hi ngai pawimawha lawmna inkhawm ah tel kim tura hriattir an ni bawk. 

Independence Day lawmna atana Department hrang hrangte inbuatsaihna hi August ni 11, 2017 ah thlir ho leh tura ruahmanna siam nghal a ni bawk.

Attachment

• Loading attachment...