Vawiin khan Mizoram Oil Palm chin dan leh hmalakna zirchiang turin Nagaland State atanga lo kal te chuan District Agriculture Officer Conference Hall, Kolasib-ah Pu R. Lalnunzira MAS, District Agriculture Officer, Kolasib District chu hmuin meeting neihpui an ni.

Pu R. Lalnunzira chuan Mizoram chhunga Oil Plam chin kawnga Agriculture Department hmalakna hrang hrang te a sawihfiah a. Pu Joseph Lalnuntluanga MAS, Agriculture Extension Officer chuan Kolasib District-a Oil Palm hnuaia hmalak dan leh Oil Palm Mill din dan report power point presentation hmangin zirtirna a pe bawk.

Meeting neih zawh hnu hian Oil Palm Mill, Bukvannei tlawh in field visit Saihapui lamah neihpui leh an ni a. Nagaland atanga Oil Palm chin dan rawn zirtute hi farmer mi 26 leh official mi 2 te an ni.