Vawiin chawhnu khan Pu David Liansanglura Pachuau, Addl DC kaihhruaina in a office chamber ah Lunglei District chhunga naupang kum 1 hnuailam thi (Infant Death) chungchang thlirletna hun hman a ni. Lunglei District chhung ah naupang kum 1 hnuailam kum 2018 - 2019 chhung in naupang 39 thi awm in, IMR rate 17/1000 a awm thu sawi a ni.

He thlirletna hun ah hian midangte tana malsawmna ni thei turin naupang thi pali (4) te Nu leh enkawltu doctor ten an damloh nachhan leh engvanga thi nge an nih sawina hun hmang in, nikum ai a tha zawk leh naupang thi an tlem theih nan tan lak a ngaih thu tarlan a ni. Naupang thi te hi engvanga thi nge an nih tih hriatchian hnu a engtia hmalak tur nge tih hriat theih a rinawm thu tarlan a ni bawk. Nu nau pai ten doctor rawn peih tura ngen ni in Sawrkar programme te hi mipui in hmang tangkai turin meeting chuan a ngen a ni. Kan lo hrisel zawk nan Health Department chauh ni lovin Line Department leh NGO te nen a thawhhona tha tak neih a pawimawh thu sawi lan a ni. Vanduai vang ni lova inthlahdah vang a thi an awm thin hi a pawi hle a chuvangin damlo ten an damloh nachhan hre turin kan damlohna mil a doctor pan tur thlan a pawimawh zia sawi a ni.