Vawiin khan MSU Regional Headquartes Lunglei buatsaihin Zirlai titha chawimawina hun Convention Centre ah hman a ni. He hun hi MSU Regional Headquarters Lunglei Finance Secretary C. Lalnghakmawia'n  kaihruai in. Pu Lawmawma Tochhawng Vice Chairman High Powered Committee Lunglei chuan Khuallian ni in he hun hi a hmanpui.

Khuallian Pu Lawmawma Tochhawng Vice Chairman High Powered Committee Lunglei chuan thu sawiin vawiina chawimawite hian a tawp an thleng ta tihna ni lovin an an kal zelna tur atan chawimawina an dawng a ni tih inhria sela, an kal zelna turah taihmakna leh thahnemngaihna nen ke an pen a tul a ni a ti. Eng dinhmunah pawh ding se lehkha zirtheia an awmna chhan an nu leh pate chu zah a, chawimawi a pawimawh a ni a ti a, hlawhtlinna changtu ten chhungkua bakah kan ram leh kan chenna District hre reng a, ram nghahfak kan ni tih inhriat fo a tul a ni a ti bawk. 

Vawiina MSU Lunglei ten zirlai titha an chawimawi te hi Lungleia College hrang hrang leh Lunglei mi Lunglei pawn College atanga zirlai ti tha zual mi 17 an ni a, chawimawina thuziak hlan theuh an ni. Chawimawina hun ah hian Khualzahawm Er. Samuel Ramdinthara EE PWD leh Uaptute, Prof J Zorema Principal Goverment J Buana College, Pu LH Rothanga Principal Lunglei Government College leh Pu Vuansanga Vanchhawng HATIM Principal te pawhin lawmpuina leh fuihna thu an sawi bawk a ni.