Vawiin chawhma khan YMA Sub-Hqrs Conference Hall, Lunglei ah Naupang kum 5 hnuai lam kawthalo do beihpui Intensified Diarrheo Control Fortnight ni 28th May- 8th June' 2019 chhung awh tur hawnna hun neih ani. Pi K. Lalrinzuali, Deputy Commissioner, Lunglei leh Chaiman, IDCF ni bawk chu khuallian ani. 

Hawnna inkhawm hi Dr.Thani Pachuau, Chief Medical Officer, Lunglei in kaihruaiin Pi K. Lalrinzuali chuan National Health Mission hmalakna in India ram ah kawthalo vanga thihna thleng thin do beihpui thlak ani a, mirethei leh mawl ten an tuar nasa thin a, Mizoram ah chuan ngaihsak tawk lo leh inzirtirna that loh vangin tuar an awm thin a ni, kawthalo dona pawimawh ber chu thianghlimna ani ati a, thiamna leh zirna sanna nei lo tan pawh tihtheih awm chu  kut fai taka sil ani tiin Mizoram ah kawthalo a thi awm tawh meuh lo mahse India ram pumah chuan kum 5 hnuai lam kumtin nuai 1 thi anga chhinchhia anih thu a sawi. Pi K. Lalrinzuali chuan hriselna kawnga thawktute pawhin an kutah mi nunna a innghah avangin eizawnna leh hlawh lakna chauha hmang lova thiamna sang zawk nen inthlahdah lova an hnah an thawh a tul thu a sawi bawk ani. Lunglei District tana hriselna kawng ah tan la theuh turin leh he fortnight hi karhnih chhung chauh ni lovin kumtluana hmang turin a duh ani. 

Dr. Lalrintluani, SMO, Lunglei pawhin thusawiin India ram ah kumtin kawthalo avangin naupang kum 5 hnuailam nuai 1 vel  thi an awm ziah  thin a ni, hemi donan India ram State 11 ah Rota Virus Vaccine pek an ni a, Mizoram ah pawh July, 2019 atangin pek tum ani ati. Nikum chhung khan Lunglei District chhungah kawthalo a thi an awm lo thu a sawi a, Mizoram pum ah pawh pakhat chauh kawthaloa thi an awm thu sawiin kumin beihpui ah hian Lunglei District chhunga naupang 15403 awmte hnenah kawthalo do hi an kal pui dawn thu a sawi bawk.

He hunah hian Lunglei khawpui chhunga Health Worker, Health Supervisor, CHO te bakah ASHA Worker te an tel a, mithiam ten kawthalo dona atana thil pawimawh kutsil dan dik, ORS siam dan leh Zinc hman dan ataka ti chhinin an zirtir nghal ani.