3129/2022-2023

Lunglei the 22th December' 2022: Vawiin khan Pu Donny Lalruatsanga, Addl. Deputy Commissioner, Lunglei kaihhruaiin ama room ah Births & Deaths(Piang leh Thi) Certificate dik tak chhinchhiah leh pek chungchang Inter-Departmental Coordination Committee on Civil Registration System of Births & Death meeting neih a ni. Meeting ah hian DC, DRO, DEO,CMO, DCSO, Medical Superintendent leh I&PR Department te an tel a ni.

Pu Donny Lalruatsanga chuan India khua leh tui piang emaw thi emaw an awm chuan dan ang a chhinchhiah (Register) vek tur a ni. Piang leh thi chhinchhiah anih rual hian piang leh thi Certificate pek chhuah nghal zel tur a ni. Piang leh thi chhinchhiah leh certificate felfai leh dik pek chhuak kawngah a kaihhnawih depatment te nena thawhhona tha neih a ngaih thu a sawi a ni.

Meeting  chuan Western Belt a bik takin chakma leh Bru te chenna a piang leh thi chhinchhiah kawngah a tam thei ang ber inspection neih theih tura thuneitute hnena thlen nise tih rel a ni a. Raltlan damdawiina piang te sorkar thupek angin cetificate pek loh nise, Home a piang te chhinchhiah kawngah ASHA te leh Registrar of Births & Deaths ten thawhhona tha tak nei chunga hmalak nise , Ration Card felfai leh buhfai dik tak a kan dawn theih nan piang leh thi te report kimchang DCSO office ah a hma thei ang ber a theh lut tur a rel ani bawk.