Vawiin chawhma khan School Education Department , Lunglei buatsaihin Convention Center, Lunglei ah International Day Against Drugs Abuse & Illicit Trafficking, 2019 hman ani. Pi K. Lalrinzuali, Deputy Commissioner,  chuan khuallian niin a hmanpui. Kumin thupui chu Health for Justice, Justice for Health hman ani.

Inkhawm hi Pu Lalramthianghlima, DEO & DPC (RMSA), Lunglei in kaihruaiin Pi K. Lalrinzuali chuan Ruihlo ti thin bawia tang leh natna an tawrh dan te hi a rapthlak ati a. Ruihlo hi kan thenawm ram Myanmar leh Bangladesh atanga tawlh ruk thin ani a, Kum 2013-2018 chhungin Mizoram ah Ruihlo ti vanga thi 232 an awm thu a sawi a, a tam zawk hi Proxyvon vanga thi an ni. Hemi anih avang hian Mizoram Sorkar in Ruihlo chi hrang hrang a hluardan leh invendan te zirchianna a nei ani ati. Drugs Addict intanna bulpui ber chu meizial zuk hi niin hemi in a nghawng chu kanja, zu, No.4 leh damdawi ruihthei chi hrang hrang te ani a, chuvangin Drug leh Zu ngawlvei nih tum loh chuan ti chhin lo turin zirlai te a chah ani. Mizo te hi hausak thut na anih dawn chuan sumdawnna diklo ti ching kan awm hi pawi a ti a.Mizo te hi mi tlawmngai kan ni a phairam a lehkha zir mi  thil thawn finfiah lova hawn sak te avangin zirlai tam tak ten harsatna leh man hial  an tawh phah thin  ani ati. Nun hahdam taka awma heng ruihlo laka fihlim theuh turin zirlai te chah in zirtirtu te pawh in zirlai te kawng dik zawh thei tura zirtir turin a chah bawk ani.

Pu Micky Lalenkawla, SDEO & DPC (SSA) in hawnna thusawiin khawvel pum ah ruihlo dona ni hi kum 1989 atanga hman tan ani a, Mizoram ah pawh kumtin hman ani ati . Ruihlo hmansual avangin Mizo thalai tamtak te rualban lo ah a siam a, meizial ,zu, kanja, Heroin leh damdawi ruihtheih ti lo turin zirlai te a fuih ani. 

Pi Julie Lalrinzami,CJM chuan  Lunglei ah ruihlo a hluar nasa a, a bik takin No. 4 a tam in kum 13-40 inkar ten an ti nasat thu a sawiin sualna a punga, thilbo a tam bawk. Lunglei District Jail a tang tamber chu ruihlo tih ching niin a zuar te man an nih theih nan zirlai te tanpui ah a sawm ani. Ruihlo in zirna bakah nunkawng a tihchhiat loh nan ruihlo laka fihlim theuh turin zirlai te a chah ani. 

Pu La;lchhuanthanga, MPS, Addl. SP chuan  Ruihlo hi Police leh khawtlang in kan buaipui hle a, kan thalai ten ngaisan tur dik tak ngaisang lovin ruihlo kan ngaisang ta lutuk hi pawi ati ani. Nu leh pa ten chhungkua atanga thalai te thil tha ti tura zirtir an ngai thu a sawi bawk ani. 

Pu Lalchhandama, Deputy Drugs Controller (H&FW) chuan damdawi hi a siamtu leh hmuchhuaktu te tihdan anga kan kalpui loh avangin kan kalsual pui ta thin ani ati, anihna dik taka kan hman chuan taksa leh hriselna atan a that thu a sawi ani.