May ni 12 International Nurses Day pualin vawiin khan Christian Hospital Serkawn Auditorium ah Trained Nurse Assn Of India Lunglei Branch buatsaihin hun hman a  ni.

He hun hmanna a khuallian Lunglei D.C Pi K.Lalrinzuali chuan Nurse hna hi mite ngaihsan leh ensan a a ni a, thiamna sang ringawt hi a pawimawh ber lova, thiamna bik nei an nih vangin Nurse hna hi a pawimawh hle a ni. Nurse rawngbawlna hi mipuiin an ngaihhluta damlo enkawlna kawngah hmel hlim leh phur taka thawh hi Nurse te mawhphurhna pawimawh tak leh damlo te tan damna thlentu a ni a ti. Hriselna in a ken tel chu taksa damna chauh nilo in rilru damna a ni tih kan hriat a pawimawh a, chutiang tur chuan Nurse te hian kan hnathawhna ah taksa damna mai bakah mi te rilru tidam tura dawhtheihna nen in thawh a ngai a ni tiin, Nurse te chu midangte tih ve theihloh titu michung a leng in nih avangin inchhuang mailo a, tlawmna leh dawhtheihna nen midang te rawng bawl sak thin in tum a pawimawh hle a ni a ti.

Vawiina International Nurses Day Puala hun hmanna ah hian chawhnu lamah ifiamna leh intihhlimna chi hrang hrang hmangin Lunglei Khawpui chhunga Hospital 5 a thawktu Nurse te leh Nursing School pahnih a zirlai ten hun an hmang a,hei bakah hian Nurses Week May ni 6- 12 pualin Lunglei Khawpui chhunga Sawrkar Deptt hrang hrangah Nurse te hian a thlawnin BP an check sak bawk a ni.