India ram faina beihpuih thlakna kal zel ah Vawiin khan UD & PD Deptt Lunglei leh Higher Secondery School NSS Volunteer te tangkawpin Anti Litter Drive ( Kawngpuia Bawlhhlawh Paih do letna)  Lunglei khawpui ah neih a ni.

Hemi Puala inkhawm Lunglei Venglaia neih hi Pu Andrew. Lalhruaia DUDO Lunglei chuan a kaihruai a, Khuallian Lunglei Bawrhsap Pi K.Lalrinzuali chuan thu sawiin, HSS zirlaite chu lehkhathiam china ngaih in nih avangin kawng dunga bawlhhlawh paih mai mai tur in nilo a, midangte zirtirtu tur zawk in ni a ti a, mi dang ten an duhna hmun hmuna bawlhhlawh paih an tum pawhin a paihna hmuna paih tura hrilh hre tur in ni a ti a, Lirthei nalh leh changkang tak taka chuang te pawhin duhna hmun hmuna bawlhhlawh paih an ching chu a zahthlak tih nachang an hriat a ngaia, zirlai te chu hemi kawngah hian a zirtirtu ni turin a ngen.

Vawiina he hun hmanna ah hian Lunglei khawpui chhunga Higher secondery School Pathum, GHSS, BHSS leh Leitlangpui HSS atang te in Naupang 500 chuangin Lunglei AOC atanga Bazar veng thleng Kawng dung thenfai hna thawkin mipuite zirtirna thuziak chi hrang hrang an keng bawk a ni.