Vawiin chawhma khan District Legal Service Authority, Lunglei leh MHIP Sub-Hqrs Lunglei tangkawp buatsaihin Convention Centre ah International Womens Day 2018 [Hmeichhia te Ni] hman a ni. Pu R. Thanga, District & Session Judge leh Chairman District Legal Service Authority, Lunglei ni bawk chu khuallian a ni.

International Womens Day hmanna hun hi Pi Julie Lalrinzami,MJS Chief Judicial Magistrate leh Secretary, District Legal Service Authority, Lunglei ni bawk in kaihruaiin Khuallian Pu R. Thanga chuan International Womens Day chu mitin te tan Ni pawimawh tak a ni tiin Kum 1900 hmalam khan hmeichhia te dinhmun a chhe hle a, ram rorel tu thlanna ah vote an nei lo va. Kum 1917 ,March ni 8 ah Soviet Union in hmeichhia te ni hi hmang in kum 1975 ah khawvel ram hrang hrang ten he ni hi an pawmpui in hman a ni, a ti .Kum 2011 atangin thupui hrang hrang neiin hman thin ani. Kumin thupui ah chuan Tun hi ka hun [Time is now] ani.Legal Service Authority hian hmeichhia te dikna chanvo leh zahawmna vawn him sak hi a tum ani a. Dan leh hrai chungchang a tanpui hi a tum a ni bawk. Eng thil ah pawh dan hi inrawlh angaih tawh avangin dan kan hriatloh chu kan zawh ngam a ngai a,hre lo nih hi i tum lovang u, a ti bawk. Mipui harsatna sukiang turin Court leh Legal Service Authority hi awm ani a. Court hi kan dikna chanvo min humhalh a ni a ti bawk. Legal Service Authority , Lunglei hian Siaha leh Lunglei kawp in Lok Adalat ah Lunglei District chu Mizoram ah ti tha ber niin Best Legal Service Authority lawmman vawi hnih dawn thu a sawi bawk. Pawl hrang hrang nen a thawhhona leh tanrualna kan neih phawt chuan lawmman lak leh a beisei a ni.

Pu Malsawmdawngliana , Govt. Advocate , District Court Lunglei pawh in dan leh hrai, nu te chhungkua an mawhphurna te sawiin naupang te shool chu nute thinlung hi a ni a ti. Fate puitling tura zirtir a pawimawha, hei hi nute mawhphurna niin chhungkua enkawl tlak nih angaih thu a sawi. Nu ropui pakhat vangin mi an lar phah thin ani. Lok Adalat a thubuai tam ber chu leiba inthin chungchang niin ziak a intiamkamna leh hriatpuitu neih a pawimawh a, Sorkar in ukil rawihna nei lo a thlawnin ukil a rawih sak thei a,tualthi leh pawngsual tawkte tan zangnadawmna dilsak theih thu a sawi bawk.

Kum 2017-2018 tana hmeichhia chawimawi phu ah Dr.H.Lalnunmawii, Bazarveng, Lunglei chu thlan a ni