Vawiin dar 10 AM khan Govt. J. Buana College, Lunglei ah Labour, Employment, Skill Development and Enterpreneurship Department, Govt. of Mizoram buatsaihin Mizo thalai hna zawng laite tana remchang siamsakna hun   Job Mela neih ani. Pu Lalmalsawma, Deputy Labour Commissioner, LESDE chuan khuallian niin a hawng.

Job Mela hawnna inkhawm hi Pu Thangropianga, District Labour and Employment Officer, Lunglei in kaihruaiin Pu Lalmalsawma chuan thusawiin LESDE hi Department lian lo tak nimahse thalai  eizawnna kawng zawh tur dap mek te tan Dept. pawimawh tak ani tiin Assam hunlai atang tawhin thalaite mamawh hna chi hrang hrang a lo zawnpui tawh thin ani a ti. Job Mela  ah hian Firm hrang hrang 14 ten thalai hna zawng laite hna a an luh theih dan tur an lo ngaihtuahpui dawn che u ani a ti. Job Mela hi District hrang hrangah buatsaih chhunzawm anih dawn thu a sawi bawk.

Job Mela hawnna neih rual hian Prime Minister Narendra Modi an sorkar hnathawklo tana Pension Scheme thar Pradan Mantri- Shram Yogi Maandhan (PM-SYM) hawn rual hian Lunglei District ah pawh Pu Lalmalsawma, Deputy Labour Commissioner LESDE chuan a hawng.

Pu Lalmalsawma chuan he Pension Scheme hi hna mumal neilo te tan  a hlu hle dawn ani , he Scheme thar ah hian thla khata Rs15,000/= aia tam hlawh lo kum 18 atang 40 inkar te tana chhawr tangkai theih ani  tiin kum 60 an tlin hunah  Rs 3000/=(Sangthum) pension an la theih dawn ani ati. Registration ti tur te tan Lunglei District chhungah Common Service Centre 11(sawpakhat) thlanchhuah anih thu a sawi bawk.