Vawiin chawhma khan Saikuti Hall Lungleiah Education Department bultumin Lunglei District huam chhunga zirtirtu mi 200 chuang ten Measles Rubella Vaccination Campaign chungchang zirhona an nei.
Training programme kaihruaitu Pu Micky Lalenkawla, DPC, SSA chuan ziritirtu kalkhawmte chu ram tana hmasawnna nasa tak thlen thei tu an nih avangin thahnemngai taka sawrkar hmalakna tawiawm thin turin a chah a.
Dr Thani Pachuau, CMO Lunglei pawhin thu sawiin Measles (sentut) leh Rubella (German sentut) natna awm thei laka Lunglei District a fihlim theih nan mitin ten tan kan lak tlan a ngai takzet a ni, a ti a. Hriselna kawnga hmalakna hrang hrang te Health Department chauhin a thawk theilo a, Measles-Rubella Vaccination Campaign hnuaia target siam mek te ti hlawhtling turin kan tan tlan a ngai a ni tiin zirtirtu kalkhawmte chu thawhho puiah a sawm.
Dr Lalrinthangi, SMO chuan zirtirna pe in Measles-Rubella Vaccination Campaign hmalakna a zirtirtu te hriattur pawimawh leh an mawhphurna te a sawifiah a. Zirtirtu ten nen sawihona hun tha tak hmangin MR Campaign chungchanga an hriatthiam loh te an zawt fiah a ni.
Measles (sentut) leh Rubella natna laka invenna Measles-Rubella Vaccination Campaign chu ram pum huapin sikul leh veng tinah pek a ni dawn a. He beihpui thlak zawhah hian MR Vaccine hi thla tinin Sub-Centre-ah naupang upat dana zirin pek chhunzawm a ni taw hang. He beihpui thlak chhung hian naupang thla 9 pumhlum atanga kum 15 hnuai la zawng zawngte, a hmaa MMR emaw MR emaw lo la tawh te tiamin pek vek an ni dawn a ni.
Measles nantna hi nunna atana hlauhawm, hritlang anga inkaichhawn theih a ni. He natna hian rualbanlohna leh hun lo taka nuapang thihna a thlen thei.
Rubella hi sentut nen a inang hle a, mipa leh hmeichhia in a vei v eve thei. Nun au pain a raino laia Rubella a lo vei palh hlauh chuan nau a insiam puitling lo ta thin a ni.
MR Campaign chungchanga hriattur pawimawhte:
1. He beihpui thlak chhung hian naupang thla 9 pumhlum atanga kum 15 hnuailam zawng zawngte chu vaccine pek tir vek tur a ni.
2. He vaccine hi sikul-ah te, veng chhungah te, Anganwadi emaw Sub Centre-ah te pek an ni ang.
3. Naupang chu MR/MMR vaccine lo la tawh pawh ni se, he vaccine hi pek tho tur a ni e.
