3387/2022-2023

Lunglei the 27th January' 2023: Vawiin khan DC Conference Hall Lunglei ah Pu Kulothungan A, IAS Chairman, District Disaster Management Authority kaihhruaiin Mock Drill buatsaih tur chungchang lo enlawkna leh zirhona Table Top Exercise neih dan tur meeting neih a ni.

Pu Kulothungan A chuan Table Top Exercise Mock Drill buatsaih hma a mawhphurna hrang hrang neitu Department te leh NGO ten kan mawhphurna kan lo hriata, thawhhona tha tak hnuaia hma kan lak theih nana inhrilhhriatna a ni a ti a. Lunglei in khuarel chhiatna a tawh palha a tak a kan chet chhuah dan tur inbuatsaihna leh inzirna a ni a, kan mawhphurna tha tak a hria a hlen chhuak theuh turin a chah a ni.

Meeting chuan ni 2 February, 2023 ah 2nd Batallion MAP Complex Luangmual ah Mock Drill neih turin a rel a ni. Pi Chuaupari Pachuau, Lunglei District Organiser, District Disaster Management Authority chuan Incident Commander tur tepawh ruatfel an nih tawh thu sawiin Mock Drill ah hian chhiat rupna lo thlen a che chhuak thei turin Medical Team te leh Fire Department tepawh an thawh chhuah dawn thu a sawi bawk a ni.

Mock Drill hi chhiat rupna thlen thulh a mipuite kan lo in rin lawk theih na tur leh chhiatna dang thleng lo tur atana ruahmanna siam a ni a, mipuiten tangkai taka hmang hram hram turin a chah nghal a ni.