Vawiin chawhma khan Holy Faith School, Electric Veng Lunglei ah National Deworming Day 2020 pualin hun hman a ni . Pu R. Vanrengpuia Addl. Deputy Commissioner, Lunglei chu khuallian a ni.

National Deworming Day 2020 hun hi Lunglei SMO Dr Lalrinthangi kaihhruaiah Pu R. Vanrengpuia chuan naupang hriselna hi sawrkar in a ngai pawimawh em em a, nakin lawk a kan ram tan mi tangkai tur leh ram hmasawnna thlen thei tu turte an la nih dawn avangin Sorkar in Programme tha tak tak an tan kalpui thu a sawi a, Rulhut hlo pawh kum tin vawihnih a thlawnin sem thin anih thu a tarlang a. Naupang tin ten rulhut hlo damdawi hi an ei ngei theihnan nu leh pa te, Zirtirtute leh anmahni enkawltute an pawimawh takzet a ni, a ti bawk.

Dr. Lalrinthangi, SMO Lunglei chuan National Deworming Day hi National Programme a ni a, kumtin vawihnih February leh August thla ah naupang kum 1-19 inkar te hnenah rulhut hlo pek thin a ni. Rulhut in a taksa khawih chhiat dan te, Rulhut kai dan leh inthlahchhawn dan te sawiin, a invendan tur a sawi bawk.