Election Commission of India thupek angin 1st March - 31st August, 2016 chhungin rampum State/UT (Assam, Bihar, Kerala, Puducherry, Tamil nadu, Telangana & W.Bengal tiam lovin) ah te ‘National Electoral Roll Purification (NERP) 2016’ kalpui tan a ni a. NERP-in a tum ber chu rampuma vote thlak thei kum 18 tling tawh chin thun kim leh electoral roll-a hming ziah nawn emaw thil ziah dik lo emaw tihdik/paihfai te a ni a. Vawiin khan Lunglei-ah pawh he NERP 2016 hawnna chu Lunglei DC/DEO Pu Abhijit Vijay Chaudhari hovin ama office chamber-ah neih a ni.

Lunglei DC leh DEO ni bawk Pu Abhijit Chaudhari chuan electoral roll-a hming thun thar emaw paih ngai te chu ngun taka vil a pawimawh hle a, electoral roll siam dawnah mi thi tawh te hming emaw, vawi khat aia tam hming thun nanaw emaw, pem thar / pem chhuak te hming emaw awm a nih chuan siamthat vek turin NERP beihpui thlak chhung hian ERO leh AERO ten an hna uluk taka thawk turin a chah.

NERP 2016 hian a tum ber pakaht chu thalai kum 18-19 inkar te a kim thei ang bera electoral roll-a thun leh 100%EPIC hlawhtlinpui a ni a. March thla chhung hian ERO/AERO zawng zawngte training pek an nih hnuah NERP hnuaia hnathawh tur hi April ni 1 atangin tan a ni ang a, electoral roll siamthat/siamthar hna hi Census 2011 atanga 2016 inkara data hmanga thawh a ni dawn a ni.