Vawiin chawhma khan NSS, Lunglei Government College leh Association For Voluntary Blood Donation Lunglei buatsaihin Multipurpose Hall, Lunglei Government College ah National Voluntary Blood Donation Day hun hman niin thupui ah "Happiness is Donating Blood" tih ani.

National Voluntary Blood Donation Day inkhawm hi Pu Lalrammuana Chawngthu, Vice President, AVBD, Lunglei in kaihruaiin Pi Lalhmangaihi Hrahsel , Principal, Lunglei Government College chuan inlawmna thusawiin AVBD Committee in National Voluntary Blood Donation Day Lunglei Government College hmang tura tih  leh Blood Bank, Civil Hospital a thawktu ten College hmun ngei thisen pek te an laksak dawn avangin lawmthu a sawi a, Blood Donation Day thupui " Happiness is Blood Donation: tih angin LGC zirlai ten   midangte tan a malsawmna nithei tura thisen hlim tak leh phur taka pek theihna hun siam avangin lawmthu a sawi bawk ani. He hun hi hmang tangkaia thisen pe theuh turin zirlaite a chah ani.

Pu H. Lalthangliana, Secretary,AVBD, Lungei chuan report pe in AVBD, Lunglei Branch hi ni 29th October 2001 din niin  khawtlang tan leh damlo tan he pawl hi tha takin a kal chho zel ani.AVBD hmalakna  thenkhat sawiin damlo thisen mamawh ten thisen thianghlim tha dawn an neih theih nan kohhran thalaite, pawlte leh NGO ah te awarerness campaign ani a. Blood Bank in a mamawh em em Pu C.L. Ruala MP(LS) kal tlangin thisen phur thei motor(Van) neih ani. Ni pual bik Valentine Day,World Blood Donor leh World Blood Donation Day ah te thisen pehna hun siam a ni thin a, thisen pe tha te chawimawina hun hman ani bawk thin ani.

Dr. Ramdinthara Sailo, John William Hospital,Lunglei chuan Khawvel ram changkang apiangin thisen pek an uar a, 50% hi Khawvel ram changkang pek ani. Engmah phut let lova thisen pek hi a hlauhawm lova, taksa in hlohna a nei lo bawk, mi tam tak nunna chhanchhuahna a nih mai bak ah damlo harsa te tan malsawmna ani ati. India ramin 0.4% thisen pe ang ani a,  Tripura chu 93%  India rama thisen pe sang ber ani, Mizoramin 83% thisen pein kum 2017-2018 chhung in Lunglei a thisen pek zat chu 70% ani. Mizoram ah Blood Bank 10 a awm a, Lunglei ah pahnih awmin Civil Hospital leh Christian Hospital Serkawn te an ni. Voluntary Blood Donation hi April 2017-March 2018 chhungin  Christian Hospital Serkawn ah 90.74% leh Civil Hospital ah 69.64% pek an ni.  

Dr. Vanneihthanga, Executive Member, AVBD, Lunglei in lawmthu sawina hun a nei ani.

Vawiin a Lunglei Govt. College in a thisen an pek zah chu Unit 87 (Mipa 51 leh Hmeichhia 36) an ni.

 

Attachment

  • Loading attachment...