Nimin chawhma dar 11:00 khan Industries department hnuai a NLUP beneficiaries Lunglei Town Area chhung a mi 833 te hnenah third and final instalment (1st phase) Rs.2,83,52,500/- (cheng nuai zahnih sawmriat pathum singnga sanghnih zanga) Pu Joseph Lalhimpuia Vice Chairman, HPC, Lungleiin a sem.

NLUP semna inkhawm hi Saikuti Hall Lunglei-ah hman a ni a. He inkhawm hi Pu Zathangliana SDC, Nodal Officer in a kaihruai a. Pu Joseph Lalhimpuia Chief Guest chuan a dawngtute hnenah pawisa a sem bakah thu sawiin District NLUP implementiong Board leh Industry Department te hma lakna a NLUP sem theih a ni ta chu lawmthu a sawi a. Mi rethei te tana eizawnna bul tantu leh leirem an rah theih nana malsawmna sawrkar kaltlang a dawn hi lawmna chang hre theuh turin a duh a,tanpuina dawn hi a tak a hmang a ti hlawhlting ngei turin a chah bawk a ni."NLUP vang hian ram ngaw leh tui hna te kan lo nei tha ang a, chhungkua kan in chawm thei ang a,chu chuan Mizoram hi ram nuamah a siam dawn a ni. Rinawm leh taima taka In thawh loh chuan a tuar tu tur chu nangmahni in ni ang, "a ti. "Kut hnathawh hreh lovin in todelh i tum ang u," a ti bawk.

Tunah hian Carpentry-I trade thlangtu mi, tlemte thingzai khawl la dawng lo,a thlen ve leh a pek hma bak tlem te an la awm a, heng mite hi pek an nih hunah chuan Lunglei District huam chhunga Industry Department hnuai a, First Phase NLUP beneficiaries te chu tanpuina pek tlak vek an ni tawh dawn a ni.