Vawiin chhun dar 12:30 khan Mamit DC Conference Hall ah Mizoram Police leh Tripura Police te chuan DIG Level Meeting an nei.
Vawiin DIG Level meeting ah hian state pahnihte inkara thawhhona tur hrang hrang te sawi ho a ni a. Khantlang leh Rajiv Nagar khaw inkarah Border Out Post (BOP) siam dan tur chungchang sawiin Tripura Police te hian Mizoram Police te an ngenna angin Border Out Post hi Mizoram Police ten an siam ang a Mizoram lam atanga kawlphetha lakna a hlat avangin Tripura Police ten hma an la ve thung ang.
Zawlnuam BDO Office atanga pawisa ru bo tu la man chhuah loh te man chhuah an nih theih nan hmalak dan tur te, Ni 25.11.2012 zana Rajiv Nagar khua atanga mi rubotute man chhuah dan tur te, New Kawnpui leh Rajiv Nagar khaw inkarah te regular taka patrolling neih thin dan tur te leh Tripura state in February ni 14,2013 a inthlan an neih tura Mizoram 4th IR Bn Company 6 te kal dan turte rel a ni.
Vawiin DIG Level Meeting ah hian Mizoram Police atangin Pu C.Zorammuana IPS, DIG, Northern Range, Pu R.D. Chawngthu, SP, Mamit, Pu Dingluaia, Commandant 4rhIR Bn te leh Police hotu dangte an tel a. Tripura Police atangin Pu Saurab Tripathi, DIG, Northern Range, Pu B.K. Nath, S.P., Dharmanagar leh SDPO Kanchanpur te an tel bawk a ni.
