Sorkar Laipui hmalakna puanzar beihpui thlakna Public Information Campaign Lunglei District chhunga neih tur chungchang ah vawiin chawhnu dar 1:00 khan Lunglei Brawhsap Pu V. Sapchhunga pisa ah sawiho a ni.

He hunah hian C. Lalsawmliana, Nodal Officer cum Member Secretary, Core Comittee PIC Mizoram leh MC Lianmawia te chuan Lunglei Bawrhsap hi hmu in, Lunglei Dstrict MJA Vice President Pu Lalrintluanga Khiangte chuan a tawiawm bawk. Hetah hian Lunglei District chhung, Buarpui, Bungtlang West leh Khawlek a ni 3 chhung awh tur PIC neih dan tur Lunglei Bawrhsap Pu V. Sapchhunga ho in sawiho a ni a. Bawrhsap Pu V. Sapchhunga chuan PIC hmanga mipui ten an ngaih pawimawh leh an hriat duh, zawhna hun tha tak an nei thei thin chu hmasawnna kawnga thil pawimawh tak a nih thu a sawi.

22nd phase of Public Information Campaign Lunglei District chhunga neih tur hian ni 3 chhung a awh anga, Feb. 21, 22 leh 23 ah te neih a ni anga, Buarpui chu main venue ah hmangin, Bungtlang ‘West’ leh Khawlek ah te he hun hi hman a ni ang. Hetah hian sorkar laipui flagship programme hrang hrang in hrilhfiahna hun bakah zawhna leh chhanna hun te hman a ni ang.