Lunglei Bawrhsap Pu V. Sapchhunga, IAS chuan Sec-21(a)(b) of Wildlife (Protection) Act 1972 (Central Act 53 of 1972) dan hmangin thuchhuah a siam.

1.Mizoram sorkar chuan a chunga Wildlife (Protection)Act 1972 angin, Lunglei District chhungah “THORANG WILDLIFE SANCTUARY” area awm sa bakah Kawnpui ‘W’ leh Darngawn ‘W’ village te huam telin 130 Sq.Km siam belh a tum thu lehkha No.B.12012/15/2010-FST DT.7.1.2013 ah puang tawh a.A ram awmdan chu a hnuaia para -5 a tarlan ang hi a ni.

2.Hetiang a sorkarin Project siam a lo tum takah chuan he dan Section-18 read with Section-19,20 and 21-na in a duh angin,he Thorang Wild life Sanctuary atana ruahman ramchhungah hian mimal emaw pawl ho emaw ram leh bungrua nei an awm leh awm loh hriat a ngai a.

3.Chutichuan, Kei V. Sapchhunga ,IAS; Collector/Deputy Commissioner, Lunglei District chuan a chunga Wildlife (Protection ) Act, 1972 Section 21 angin Proclamation ka chhuah a ni. Section 19 of Wildlife (Protection) Act 1972 ina tarlan angin mi tupawh sawi tur nei apiangin a hnuaia hming ziaktu hnenah heproclamation chhuah atanga thla hnih (2) chhungin emaw dt.11.3.2013 aia tlai lovah an thehlut tur a ni ang. Chung an sawi duh chu dilna Form ah chiang taka ziakin compensation an beisei a nih pawhin chiang taka ziakin a hnuaia hming ziaktu hnenah hun tiam chhungin an theh lut tur a ni. Chutianga tih a nih loh chuan a chunga dan Sec.22,2325 angin emaw tha tih ang angin kalpui a ni ang.

4. He Thorang Wildlife Sanctuary ruahman chin hi a ramri leh a awmna hmun leh huam chin chu para 6 naah chiang taka tarlan a ni.

5.Name of Area:Thorang Wildlife Sanctuary.

 Location:Thorang and its adjoining areas comprising of Kawnpui ‘W’ and Darngawn ‘W’Village areas under Bunghmun ‘W’ RD Block of Lunglei District.

Area:198 Sq.Kms (including the existing Thorangtlang Wildlife Sanctu ary)

6. RAM ZAUH BELH TURIN A HUAM CHIN

Hmar: Zawlpui luiin Mar lui a finna chu teh tan nan hman a ni a. teh tanna atang chuan Zawlpui lui   zawh chho zelin Rawthingkawn a thleng. Chuta tang chuan Sekam lui zawh thlain Tut lui   a thleng.

Khawchhak: Sekam lui hnar atangin Tut lui zawh zelin Tlubing lui hnar a thleng.

Chhim: Tlubing lui hnar kin atangin ramri chu Tlubing lui zawh zelin a kal a, Va-awk kawn a tan tlang           a, Charte lui leh Tuichar thlang lama zawh thlain Lungpum lui a fin.

Khawthlang: Tuichar hnar atangin ramri chu Tuichar lui zawh zelin Zawngek lui hnar a thleng a. Zawngek   lui leh Mitha-kawn lui zawh chhoin tlang pawng a thleng. Ramri chu tlang pangah kal zelin   Kawnpui- Darngawn ‘W’ Jeep road a thleng leh a. Kawnpui- Darngawn ‘W’ Jeep road zawh   zelin Zaite lui a thleng. Ramri chu Zaite Lui zawh thlain Ramri kawn a thleng. Ramri chuan  Tuikawi lui a zawh thla zel a, Lungpum lui a thleng.Tuikawi lui hnar atangin ramri chu a kal a,  Lungpum lui a zawh thla a Mar lui a fin. Mar lui zawh chhoin a tira teh tanna Mar lui leh                                     Zawlpui lui a thleng.