Vawiin khan Child Rights Prtection Cell, SCERT leh Education Department, Lunglei te buatsaihin Cultural Heritage Center, Venglai Lunglei ah One Day Sensitization Programme on Child Rights Protection for Middle School, Lunglei District tih zirna hun hman ani.

He hun hi Micky Lalenkawla, SDEO, Lunglei South in kaihruaiin Pi Zozikpuii, Lecturer, Child Rights Protection Cell, SCERT chuan he hun hman chhan sawiin Zirtirtute te chu zirlai naupang enkawltu an ni a, Sorkar in dan hrang hrang te duang chhuakin chung zingah chuan Child RightsProtection hi a pawimawh hle a, kan naupang te hi englakah pawh an him tur ani. Dan hi dan anih avangin ka hre lo alawm tih hi a thiang lo ani ati. Zirtirtu te hian dikna chanvo kan neih angin kan tihtur kan hriat ve angai ani, chutiang bawkin zirlai ten dikna chanvo an nei a an tihtur an hre ve tur ani. Naupang te chu thunun tur corporal punishment erawh pek loh tur ani ati.Dan hriat loh hi thiam channa a ni lo tih anih avangin zirtirtu te hian dan hriat a pawimawh hle ani ati.

Pi Julie Lalrinzami, Chief Judicial Magistrate, Lunglei pawh in thusawiin he dan zirna hian zirtirtu ah hmasawnna tam tak a thlen a beisei a, Child Rights Protection dan hian zirtirtu te kut phuara awm ah awm ah ngai lovin naupangte an hmalam hun siamsakna thatak ani ati. Child Rights Protection hi a hawtawk lek a hre lovin a ziktluak a hre turin a chah ani. Naupang te chu kut thlak lovin an thunun thei a, hmangaihna nen a enkawl turin achah ani.Zirtirtu te atangin para legal volunteer in pe thei awmse a duh a, kum 2018 khan victim compensation mi 4 te hnenah pek niin kumin ah mi 11 te tan dilsak ani ati.

Pi Lalrinkimi, DCPU, Lunglei chuan Lunglei District chhungah Child Rights Protection chungchang ah awareness campaign neih thin niin school hrang hrang ah zirtirtu te leh naupangte hriattur in hrilhhriat thin ani tiin naupangte tan a thaber tur ngaihtuah turin zirtirtu te a chah a, kan naupangte dinhmun hria a venhim leh an chungah enge thleng tih hi zirtirtu ten hriat a pawimawh thu a sawi . Naupangte ten harsatna an tawhin chhan ngam turin zirtirtu te a chah bawk ani.

Pu Malsawmdawngliana, Advocate, Member CWC, Lunglei in The Juvenile Justice Act, 2015 leh The Protection of Children from Sexual Offences Act, 2012 tih thupui hmangin zirtirna a pe a, Pi Zozikpuii, Lecturer, Child Rights Protection Cell,SCERT chuan Life Skill on Child Protection leh Personal Safety Rules   tih thupui hmangin zirtiorna a pe bawk.