Mamit District faina kawnga hmalakna kalzelah vawiin khan Reiek RD Block huam chhunga khaw thenkhat Nghalchawm leh Lengte khua-ah Children Sanitation Club din a ni.

He hunah hian Pi Laltharzeli, Ambassador, SBM (G) PHED Mamit, chuan Reiek Block huam chhunga khaw hrang hrangte chu faina kawnga thawhhlawk tak an nih thu a sawi a, Naupangte rilru-a faina leh thianghlimna thuk taka a in tuh theihnan khawfai tak sa ni reng mahse CSC chu din tum zel a nih thu a sawi.

Mamit District chu a chang changa fai emaw nilova, khawfai leh hrisel tak kan nih reng theihnan faina chu engtik lai pawha kalpui reng a tul thu sawiin hemi kawnga hmala zel turin khawtlang hruaitu, zirna In-a thawkte leh PHED hnuaia din Watsan Sanitation Swachhagrahi te chu lungrual taka thawk tlang turin a sawm a ni.

Vawiin-a Children Santitation Club dinna hun hi khawtlang hruaitute leh Zirna In a thawkte chuan tawiawmin Lengte-ah hian naupang 120 te chu CSC Member ni turin an in ziak lut a, Nghalchawm-ah Naupang 60 an in ziak lut nghal bawk a ni.

Mamit District chhung khaw hrang hrangah faina kawngah nasa taka hmalak niin PHE Department hnuaiah Children Sanitation Club khaw hrang hrangah din a ni a, Fai tura hmalakna kawngah anmahni leh midangte zirtirna-ah khawtlang tan an thawhhlawk hle a ni.