Nimin khan DLAO Office, Lunglei-ah khawtlang hruaitu VC-te intuaihriamna hun “One Day Workshop on Skill Development for Members of Village Council and Women Leaders” neih a ni.

He hun hi UGC-Women Studies Centre, MZU, Incubation Centre MZU leh Local Administration Department tangkawp buatsaih a ni.

He huna zirtirna pe tu Prof Lalneihzovi, MZU chuan Lunglei town hi urban local body hmangin enkawl tha a tih thu sawiin VC hi chu lunglei khawpui enkawl nan a chak tawk tawh lova, khawpui mi ten harsatna an tawh leh an mamawh hrang hrang te VC kaltlanga chinfel a harsa thin a ni, a ti.

Hmasawnna hna thawk turin sum a ngai, sum tam zawk sawrkar laipui atanga lo kal theih nan Urban Institution neih ve a hun tawh thu te sawi ho a ni. The Mizoram Municipalities Act hmangin Lungei Municipal Council nei turin Lunglei District VC ten hmalakna chak zawka an kalpui tul a tih thu Prof. Lalneihzovi, Hony. Director Women"s Studies Centre MZU chuan a sawi. 

He huna zirtirna pe tu dang Prof T. Vanlaltlani, ATC chuan hmeichhia VC ten hmasawnna hna an thawh theih dan awm te a sawi a. Dikna chanvo an neih thu a sawi bawk.