Lunglei District huamchhunga Presiding Officers leh Polling Officers training chu nimin atang khan neih tan a ni a, vawiin khan 2nd & 3rd Polling Officers te tan Saikuti Hall, Venglai-ah training neih chhunzawm a ni.

Vawiina Polling Officers Training hi Addl. DC Pu Lalhmachhuana, SDO(S) Pu K. Vanlalthiana leh Lunglei BDO Dr.Malsawmtluanga Fanchun ten an kaihruai a. Tun MP thlanna atana dan leh hrai pawimawh zualte bakah Form hrang hrang hman dan tur leh EVM hmandan tur zirtirna pek a ni. Training-ah hian power presentation leh instructional videos hmangin Polling Officers-te chu chiang taka an mawhphurhnate hrilhfiah zel an ni.

Lunglei DC/DEO Pu Ashish Madhaorao More pawhin vawiina Polling Officers Training chu a hmunah tlawhin duty-a chhuak tur zawng zawngte chu rinawm taka an hna thawk turin leh theihtawp chhuah theuh turin a fuih a ni.