2427/2024-2025

Lunglei 8^th, Khuangchawi Thla 2024: Mizoram Legal Services Authority leh Lunglei District Legal Services Authority te buatsaih " Public Education on Legal Services Environmental Protection, Sustainable Practices and Importance of Conservation" tih thupuia hmangin vawiin chawhnu dar 1:00 khan Lunglei Gov't College RUSA Hall ah hun hman niin Justice Michael. Zothankhuma Judge, Gauhati High Court leh Executive Chairman Mizoram State Legal Services Authority ni bawk chuan khuallian niin a hmanpui.

He hun hi Pi Gracy.L. Bawitlung MJS, Member Secretary State Legal Services Authority chuan a kaihruaia Pu Vanlalenmawia MJS, District & Session Judge leh Chairman District Legal Services Authority Lunglei chuan in lawmna thu sawiin, kan environment nasa taka pawngsual a ni tawh a, a siamthat leh humhalhna lama in zirtirna hun buatsaih a ni chu lawmawm a tih thu leh hlawk taka hun hmang tura kalkhawmte a duh thu a sawi.

Khuallian Justice Michael. Zothankhuma chuan thu sawiin, kan ram sik leh sa humhalh kawnga hmalak hi a pawimawh em avangin hetiang hun hi buatsaih loh theih a nilo a, Mizoram chauh nilo in khawvel huapin sik leh sa a danglam zel a, boruak a lum zual zel a mihring tan a hreawm em em a khawvel hi a tibuai a ni. Thil siam leh mihringte hian in laichinna kan nei a, mihring kan pung zel a kan ramngaw neih sa te, thing leh mau te kan humhalh zel loh chuan engtik hunah emaw chuan a rem mai dawn tih hria in eizawnna avanga loh theihloh a ram kan vat a nih pawhin duham lovin kan mamawh chin bak ti chereu lo ang u ti bawkin pawisa ringawt hi kan ngaihtuah tur a nilo a kan chenna khawvel hi chen zelna tlak a nih theihna tura kan buatsaih a, kan tu leh fate lo la piang zel turte ngaihtuahin kan ram thing leh maute kan humhim angai hle a ni a ti. Plastic halral in boruak chhia a siam thu leh thlai thlengin an tuar thu te, ramngaw chereu vanga rannung tam tak an thih phah avanga eco system a buai phah dan te mahni tan mai nilo thangthar lo la awm zel turte tana chenna tlak khawvel a awm theih nana evironment humhalh kawnga theihtawp chhuah tur leh a tichhe thei zawnga hmala lo turin kalkhawmte a sawm bawk a ni.

He huna khualzahawm Justice Nelson Sailo, Judge Gauhati High Court pawhin thu sawiin, vawiina hetiang hun kan hmang thei hi a lawmawm hle a, a bik takin naupang leh thalaite kaihhruai zelna atan a pawimawh hle a, kan ram sik leh sa humhalh a ngaih em avanga hetiang hun hi a buatsaihtute pawhin buatsaih an ni a ti. Kan chenna khawvel boruak hi a inthlak nasa hle tih kan hre vek a boruak a lum chak em em a ni tiin, kan lui tlanah bawlhhlawh tinreng kan paih a, chumi tui chu kan in leh a chuvangin kan environment siamtha tura kan harh a hun tak meuh ta a ni a ti.

Vawiina Environment humhalh kawnga in zirtirna hun Lungleia neihah hian Lunglei Bawrhsap Pu R.Lalthazuala, DIG Southern Range Pu Lalthanmawia te bakah S.P Lunglei, LMC hotute, YMA Sub Hqrs hruaitute, Lunglei Gov't College Principal leh a thawhpuite Media lama thawktute leh mipawimawh thahnem tak bakah Lunglei Gov't College Zirlaite telin Dr.Vanramliana Department  of Zoology, Pachhunga University College leh Pi Lalthanmawii Kawlni Project Save Tlawng ten Environment a chhiat chhoh zel dan leh humhalh tura hmalakna tur kawng hrang hrangte kalkhawmte hnenah an zirtir a, zawhna leh chhanna hun hman nghal a ni bawk.