2426/2024-2025

Aizawl, 8th October 2024: Vawiin chhun dar 12:00 Am khan, ICT Department, MSeGS Conference Hall-ah Pu Amit Sharma, IAS, Special Secretary, Information & Communication Technology (ICT) Department kaihhruaina-in ICT Department Official-te leh Telecom Service Provider (TSP) hrang hrang; BSNL, Reliance Jio, leh Airtel aiawh ten meeting neiin Mizoram chhunga Telecommunication lama hmalakna leh Mobile connectivity / service dinhmun an thlir ho.

He meeting-ah hian tun dinhmun a Telecom Service Provider-ten Mizoram chhunga an hmalak mekna report pe in, mobile connectivity / service tih changtlunna tura an hmachhawp hrang hrangte an tarlang bawk. Meeting hian Lengpui Airport hmun a mobile connectivity / service tha tawklo chungchang an sawiho a, Lengpui Airport hi tih changtlun mek leh hnathawh mek ni mahse, tun aia mobile connectivity leh service tha zawk a awm theih nan ICT Special Secretary chuan Service Provider-te chu a rang lam a theihtawp chhuah tur a ngen in hmalakpui ah a sawm a ni.

He meeting-ah hian Telecom Service Provider-ten Mizoram chhunga an hmalakna kawnga harsatna an tawh hrang hrangte sawiho ni bawkin, a tul angte State Broadband Committee (SBC) meeting-a sawiho tur a chhawp chhuah tha an ti a. Tin, Mobile tower leh radiation chungchanga mipui inzirtirna kalpui turin rawtna siam a ni bawk.