Pu Joseph Lalhimpuia, Vice Chairman, HPC thurawn angin Pi M.Zohmingthangi, IAS, Lunglei Bawrhsap kaihhruaina in nimin chawhnu dar 2:00 khan Circuit House Conference Hall, Lunglei-ah kangmei laka inven dan chungchang sawihona neiin Head of Offices leh NGO te meeting neih a ni.

He meeting hian kumina ram kang tam lutuk chu pawi tiin khawkheng zel avanga kangmei chhuak thei laka engtinnge kan inven ang tih a rel a ni. Meeting chuan Public Awareness neih leh nise, Block tinah V/C te kokhawmin hemi chungchang thu hi inzirtirna neih nise tih a ni. Ram kang leh maithei hlauhawm laite enfiaha Forest Department ah hriattir nise an ti bawk. He ram kang hi sawrkar Department tinin a theih ang angin buaipui nise, kohhran leh sikul te pawh inzirtirna nei turin ngen  nise tih a ni. He ram kang tuartute tanpui nan leh a tul ang anga hman atan Department tinte hnenah tanpuina ngen nise a ti bawk. NREGS sumte pawh a tul ang anga hman theih tura ruahman nise tih a ni. He ram kang etc. do tur hian mitinte tanhona Committee chuan a ngen a ni.