Administrative Training Institute (ATI) buatsaih, ni 3 awh tur Human Rights Seminar chu vawiin khan tan a ni. Seminar hawnna hi Pu C. Thatkunga, Jt. Director, ATI in a kaihhruai. Pu K. Riachho, IAS, Director, ATI chuan hawnna thu sawiin Human Rights chu mitinin kan pianpui chanvo a nih thu leh, milian leh te, hmeichhia leh mipa ten angkhat veka kan neih leh kan pianpui a ni a ti a. Mihringten kan pian chhuah phat atanga kan thih ni thlengin chu right chu kan nei vek a. Chu mai piah lamah thih hnuah pawh mithi ruang insawisak thlengin Human Rights chuan a remti lo a ni tih a sawi bawk.
Kan rama Social Evil kan donaa kan chet thin dante tarlangin Pu K. Riachho, IAS chuan heng kawngah hian Human Rights hria a, dan anga kan kal zel hi a him ber a, kan tih zel dan tur a ni bawk a ti a. Tumah dan chunga leng kan awm loh avangin dan in a phut ang zela kan kal loh chuan dan bawhchhiat in a zui a. Chutiang a nih chuan dan mit atangin thil diklo ti kan ni mai thei thin tih kan hriatreng a tul a ni a tibawk.
He Seminar, ni thum awh tur, ATI Conference Hall-a neih ah hian Human Rights leh a kaihhnawih hrang hrang zirho a ni ang a. Pu H. Lalramliana, Asst. Director, ATI; Dr. C. Lalhmunmawia, Sr. Lecturer, Govt. Kolasib College; Pu Lallianchhunga, Lecturer, MZU; Rev. Lalfakzuala, Asst. Professor, ATC leh Ms Sylvie Zo Ralte, MJS, Judicial Magistrate, Aizawl te thuziak an zirho ang a, Zirtawpni Dt. 27.3.09 thleng a awh ang.
He Seminar, ni thum awh tur, ATI Conference Hall-a neih ah hian Human Rights leh a kaihhnawih hrang hrang zirho a ni ang a. Pu H. Lalramliana, Asst. Director, ATI; Dr. C. Lalhmunmawia, Sr. Lecturer, Govt. Kolasib College; Pu Lallianchhunga, Lecturer, MZU; Rev. Lalfakzuala, Asst. Professor, ATC leh Ms Sylvie Zo Ralte, MJS, Judicial Magistrate, Aizawl te thuziak an zirho ang a, Zirtawpni Dt. 27.3.09 thleng a awh ang.
