1777/2022-2023
Lunglei the 1st, September' 2022: Vawiin khan DC Conference Hall, Lunglei ah District Programme Officer, Women and Child Development Department buatsaih in Rashtriya Poshan Maah 2022 (National Nutrition Month) 1st-30th September 2022 chhung awhtur chu Lunglei Bawrhsap Pu Kulothungan A, IAS chuan a hawng.

Pu Kulothungan A chuan Women & Child Development Department hnuaia scheme pawimawh tak Rashtriya Poshan Maah hun hman theih a ni hi lawmawm a ti a. Mizoram chhunga naupang chaklo bik, zang lutuk te enkawlna pek bakah nu naupai leh tleirawl ah thisen tlakchhamna a awmtawh loh nan chaw tha pek a ngaih thu a sawi a, ei tur tha leh hrisel eitam a pawimawh a, nu leh nau hriselna lama mipui kan harh thar nan awareness pek a ngaih thu a sawi bawk.

Poshan Maah chhung hian thupui hrang hrang Women and Child Health, Children and Education Nutrition and Learning, Gender Sensitive Water Conservation and Management leh Traditional Foods for Women and Children in Tribal Areas hmang a hun hman tum a ni. Poshan Maah chhung hian activities hrang hrang State Level, District Level, Block Level leh Village Level ah te neih tur a ni a. Hemi hun chhung hian nu leh naupang hriselna lama hmasawn theih nan leh Indigenous toys Anganwadi Centre ah awmze nei leh tangkai taka hman anih theih nana hmasawn te, eitur tha siamdan entirna te, Diet lama hmasawn te leh hriselna tih hmanga video competition neih te Poshan Maah chhung hian neih tum a ni.

Poshan Maah hawnna programme zawh hian Lunglei ICDS Project leh DPO Office Women & Child Development Department Lunglei tangkawp chuan kawng zawhna hun an hmang a ni. He kawng zawh hi Pi Margaret J. Vanlalremmawii, BDO, Lunglei chuan ribbon chepchat in a vailiam. He kawng zawhna ah hian poster leh banner hmangin mipui te hnenah awareness pek a ni.

Poshan Maah programme neihna ah hian kal khawm ten thutiam sawina hun nei ani bawk.