873/2023-2024

Lunglei the 21st June,2023 : Lunglei District chhunga Remna Ni 2023 lawmna kal zelah vawiin khan District Project Office, Samagra Shiksha Lunglei District buatsaihin Inter High School Quiz Competition chu DEO Conference Hall, Education Complex ah Pi Ramdinliani IAS, Deputy Commissioner Lunglei hova neih a ni. Vawiin Quiz Competition thupui atan hian Political History Of Mizoram 1947 (Post - Independence) - 1987 (Statehood i.e. 20th February, 1987) hman a ni.

Vawiina Quiz Competition hawnna hun tawi neih Pi Lallianzuali Bawitlung, District Education Officer, Lunglei kaihhruaiah Pi Ramdinliani IAS, Deputy Commissioner Lunglei chuan zirlai Quiz Competition a rawn tel te hnenah lawmthu sawiin naupang kan nih lai atanga rilru leh taksa hriselna kan ngaih pawimawh a tul tak zet a chuvang chuan tuna thangthar te hian zuk leh hmuam ruihthil laka kan fimkhur a tul tawh tak zet a ni tiin, ruihtheih thil laka kan fihlim nan chuan kan tih chhin loh hi a pawimawh hle a ni a ti.

Pi Ramdinliani chuan he Remna Ni 2023 puala Quiz Competition a tel te nihna kan la lo anih pawhin lunghnur mai lova mizo chanchin hlui kan hriat belh na ringawt pawh hi hlawkna pakhat a ni tih hriaa tun aia nasa a hriat belh tuma zir nasa zual sauh turin a chah a. Zirlai naupangte zirna sang zawk zir zel tur leh uluk taka nun hmang chho zel turin a duhsakna a hlan bawk a ni.

Inter High School Quiz Competition ah hian Lunglei District chhunga School hrang hrang Sawm panga (15) atangin Team 23 ten inelna an hmachhawn a. Elimination Round neih hmasak niin, hemi atanga ti tha Team ruk (6) te chu final inelna an nei leh a ni. District Level Quiz Competion a pakhatna te chu Ni 27.6.2023 a Aizawla neih tur State Level Quiz Competition ah Lunglei District aiawh a tirh an ni dawn bawk.

Vawiina Lunglei District Inter High School Quiz Competition result chu:

1st -Baptist Higher Secondary School, Serkawn

2nd -Sacred Heart Higher Secondary School, Lunglei (Team A)

3rd -Sacred Heart Higher Secondary School, Lunglei (Team B)

Hei bakah hian nimin lama neih Inter Higher Secondary School Essay Writting Competition result puanna neih nghal bawk.

Inter Higher Secondary School Essay Writting Competition result chu :

1st - Lalrohlua - Goverment Higher Secondary School

2nd - VL Hmangaihzuali - Bazar Veng Higher Secondary School

3rd - R.Lalchhanchhuaha - Christian Education Center School

Remna Ni, 2023 puala District Level Inter Higher Secondary School Essay writing Competition leh Inter High School Quiz lawmman atan hian  Pakhatna Rs 30,000/- Pahnihna Rs 20,000/- Pathumna Rs 10,000/- a ni a. Lawmman hi Date 30 June, 2023 Remna Ni lawmna Convention Centre Lunglei ah hlan tur a ni.