850/2023-2024

Lunglei the 20th June,2023 : Lunglei District a Remna Ni 2023 lawmna kal zelah vawiin khan District Project Office, Samagra Shiksha Lunglei District buatsaihin Inter Higher Secondary School Essay Writing Competition chu Government Leitlangpui Higher Secondary School Lunglei ah neih a ni. Thupui atan hian Political History Of Mizoram 1947 (Post - Independence) - 1987 (Statehood i.e. 20th February,1987) hman a ni.

Vawiin a Essay inziahsiak tanna hun tawi hmanna hi Pu V.Zoremtluanga CEO,DEO Office Lunglei kaihhruaiah Pu H.Sangthanga, Additional DPO leh SDEO N&S ni bawk chuan Essay inziahsiakna a zirlai tel zawng zawng te hnenah lawmthu sawiin Essay ziah te hian nakin zelah Exam sang zawk kan hmachhawn hun thlengin min pui thei a ni tih hria a kan in tih hmuh tam a pawimawh takzet a ni a ti. Thu ziak hmang hian mi thinlungah nasa takin thu kan sawi thei a, mi ngaihdan dik lo leh tha lo thlengin kan thlaksak thei a ni tih hriata tun aia nasa zawka thu ziak uar zual sauh sauh turin zirlai te chu a fuih bawk.

Vawiin Essay Writing Competition ah hian School pariat (8) Christian Education Centre School, Govt Leitlangpui Higher Secondary School, Baptist Higher Secondary School Serkawn, Govt Higher Secondary School, K.T Higher Seconday School, Sacred Heart Higher Secondary School, Bazar Veng Higher Secondary School bakah Thingfal Higher Secondary School te atangin zirlai 35 te an in tihsiak a ni.

Essay writing Competition lawmman atan hian Pakhatna Rs 30,000/- Pahnihna Rs 20,000/- Pathumna Rs 10,000/- a ni.

Remna Ni 2023 pual hian naktukah District Project Office, Samagra Shiksha Lunglei District  buatsaihin Inter High School Quiz neih chhunzawm tur niin vawiin Essay Writing competition result hi naktuk program ah puan a ni ang.