Vawiin chawhma  khan Lunglei  Bawrhsap Pi K. Lalrinzuali kaihhruainain  Lunglei DC Conference Hall-ah  Republic Day 2020  hman dan tur rel ani. Meeting-ah hian Lunglei a  sorkar department hrang hrang, zirna In, Kohhran hrang hrang hruaitu leh NGO's aiawh  te an tel a ni.

 Republic Day 2020 hi Chawlhni (sunday) anih avangin zing dar 7.30 Am ah Thuamluaia Mual, Lunglei ah    lawmna  hun hman tura tih niin Lunglei Deputy Commissioner chu khuallian tura ruat ani a, DC chuan Republic Day Ceremonial Parade Contingent te chibai buk chhangin Republic Day thuchah a sawi ang. Chhun  dar 12:15 Pm -ah sawm bikte tan thingpui inhona ‘DC At Home’  DC Bungalow Kawtzawl ah buatsaih a ni  ang. Kum danga tih thin ang bawkin zing ni chhuah atanga tlai ni tlak thlengin sorkar office zawng zawngte chu hnampuanzar zar tur a tih an ni . Republic Day pual hian  District Jail, Orphanages leh Charity Home hrang  hrang ah thil  pek hlan ani ang.

Republic Day 2020 felfai taka kan hman thei nan Department hrang hrang mawhphurhna pek te hlen chhuak theuh tur in Celebration Committee chuan a ngen a ni.