Vawiin khan DFDO Office, Lunglei chuan sangha khawitu mi 30 te hnen ah sangha khawi training, I&PR Conference Hall, Bazarveng, Lunglei ah an nei.

He Training hi District Fisheries Dev.Officer Pu Lalrochhara chuan kaihruai in Scheme kalhmang leh sangha khawitute  tan a ngaih thu leh Fisheries Department Scheme kalhmang te sawifiahna a nei a ni. Pu H.Lalfamkima, AFO pawhin thu sawi in sangha dil hmun thlan dan leh sangha dil tlo leh tha taka siam dan zirtirna pe in, Pu H.Rothangpuia, AFO chuan sangha dil siam zawh hnu a sangha chi chhuahna tlak tur a sangha dil buatsaih dan a zirtir bawk. Pu George Lalnuntluanga, FEO in sangha chi hrang hrang khawi pawlh a sangha thar hlawk dan 'Composite Fish Culture' a zirtir a, Pu C.Lalhmingliana, AFO in sangha thar chhuah te thianghlim tak a man khawm dan a zirtir hnu in Pu R.lalnghinglova, AFO chuan Common Carp chi thar chhuah dan a zirtir leh a, Training hi tlai dar 4 ah zovin khar nghal a ni.

Farmers training te chuan hlawk thlak hle in an hria a, hetiang training hun hi tam zawk a buatsaih theih nise an duh thu an sawi bawk a ni. He Training hi RKVY hnuai a Training Fund dawn atanga buatsaih a ni.